TIEP ක්‍රියාත්මක කිරීමේ දී ඇතිවන ප්‍රායෝගික ගැටලු නිරාකරණය කර ගැනීම පිළිබඳව වැඩමුළුවක්…..
TIEP ක්‍රියාත්මක කිරීමේ දී ඇතිවන ප්‍රායෝගික ගැටලු නිරාකරණය කර ගැනීම පිළිබඳව වැඩමුළුවක්….. අපනයනය පිණිස තාවකාලිකව සිදුකරන අමුද්‍රව්‍ය ආනයන අවසරය (TIEP) ක්‍රියාත්මක කිරීමේ දී ඇතිවන ප්‍රායෝගික ගැටලු නිරාකරණය කර ගැනීම පිළිබඳව කර්මාන්ත හා ව්‍යවසායකත්ව සංවර්ධන අංශයේ නිලධාරීන් දැනුවත්කිරීමේ වැඩමුළුවක් 2024 -10-09 දින වෙළෙඳ, වාණිජ, ආහාර සුරක්ෂිතතා, සමූපකාර සංවර්ධන, කර්මාන්ත හා ව්‍යවසායකත්ව සංවර්ධන අමාත්‍යාංශයේ කර්මාන්ත හා ව්‍යවසායකත්ව සංවර්ධන අංශයේ ශ්‍රවණාගාරයේදී පැවැත්වින. මෙම වැඩමුළුව සඳහා සම්පත් දායකත්වය ශ්‍රී ලංකා රේගුවේ රේගු අධිකාරි සුරේන්ද්‍ර අමරසිංහ මහතා විසින් ලබා දෙනලදී. 1998 දී වසරේ සිට ශ්‍රී ලංකා රේගුව විසින් හදුන්වා දී ක්‍රියාත්මක කරන මෙම අවසරය මත කර්මාන්ත සඳහා බදු රහිතව අමුද්‍රව්‍ය ආනයනය කිරීමේ අවස්ථාව කර්මාන්තකරුවන්ට හිමිවන අතර එම අමුද්‍රව්‍ය අගය එකතු කිරීමක් සහිතව නැවත අපනයනය කළ යුතුවෙයි. මෙම අවසරය කර්මාන්තකරුවන්ට ලබාගැනීම සඳහා කර්මාන්ත අමාත්‍යාංශයේ නිර්දේශ ලබාගැනීම අනිවාර්ය වන අතර විදුලි උපාංග, සැකසූ ආහාර, ඇසුරුම්කරණය, රසායනික ද්‍රව්‍ය, ඇලුමීනියම් වැනි කර්මාන්ත ක්ෂේත්‍ර රැසක් සඳහා මේ වන විට මෙම අවසරය රජය විසින් ලබා දී තිබෙයි. මෙම වැඩමුළුව සඳහා කර්මාන්ත හා ව්‍යවසායකත්ව සංවර්ධන අංශයේ අධ්‍යක්ෂ නලිනි බාලසුබ්‍රමනියම්, සහකාර අධ්‍යක්ෂක සචිනි මාලිකා ඇතුළුව අමාත්‍යාංශයේ නිලධාරීන් පිරිසක් සහභාගී වූහ.
රටේ ආර්ථික සංවර්ධනය සඳහා විධිමත් සැලැස්මකට අනුව කටයුතු කිරීම නව රජයේ අපේක්ෂාව බව අග්‍රාමාත්‍ය ආචාර්ය හරිනි අමරසූරිය පවසයි.
රටේ ආර්ථික සංවර්ධනය සඳහා විධිමත් සැලැස්මකට අනුව කටයුතු කිරීම නව රජයේ අපේක්ෂාව බව අග්‍රාමාත්‍ය ආචාර්ය හරිනි අමරසූරිය පවසයි. රටේ ආර්ථික සංවර්ධනය ඇති කිරීම සඳහා ඉතා හොඳ අවස්ථාවක් ලැබී ඇති බවත් ඒ සඳහා විධිමත් සැලැස්මක් අනුව කටයුතු කිරීම නව රජයේ අපේක්ෂාව වන බව අග්‍රාමාත්‍ය හා වෙළෙඳ, වාණිජ, ආහාර සුරක්ෂිතතා, සමූපකාර සංවර්ධන, කර්මාන්ත හා ව්‍යවසායකත්ව සංවර්ධන අමාත්‍ය ආචාර්ය හරිනි අමරසූරිය පවසයි. අග්‍රාමාත්‍යවරිය මෙසේ පැවසුවේ අමාත්‍යාංශයේ ඉදිරි කටයුතු පවත්වාගෙන යාම පිළිබඳව වෙළෙඳ, වාණිජ, ආහාර සුරක්ෂිතතා, සමූපකාර සංවර්ධන, කර්මාන්ත හා ව්‍යවසායකත්ව සංවර්ධන අමාත්‍යාංශයේ නිලධාරීන් සමඟ කර්මාන්ත හා ව්‍යවසායකත්ව සංවර්ධන අංශයේ ශ්‍රවණාගාරයේදී (2024-10-03) පැවති විශේෂ සාකච්ඡාවකදීය. අමාත්‍යාංශයේ හා අමාත්‍යාංශය යටතේ ක්‍රියාත්මක වන අනුබද්ධ ආයතනවල නිලධාරින් විසින් මේ වන විට ආයතනවල වත්මන් තත්ත්වය හා එහි ක්‍රියාකාරීත්වය පිළිබඳවත් ආයතන වල ඇතිවී ඇති ගැටලු පිළිබඳවත් මෙම සාකච්ඡාවේදී අග්‍රාමාත්‍යවරිය දැනුවත් කරන ලදී. මෙහිදී අන්තර්ජාතික වෙළඳාම දියුණු කිරීම, ආහාර සුරක්ෂිතභාවය, අත්‍යාවශ්‍ය භාණ්ඩ වල මිලෙහි විනිවිදභාවය, ලංකාවට ආනයනය කරන පාරිභෝගික භාණ්ඩ වල ගුණාත්මකභාවය, අපනයන භාණ්ඩ වල තත්ත්වය හා ප්‍රමිතිය, කර්මාන්තකරුවන්ගේ ව්‍යාපෘති සඳහා ණය ලබාදීම, කර්මාන්තකරුවන්ට අවශ්‍ය අමුද්‍රව්‍ය අඛණ්ඩව සපයාදීම, රාජ්‍ය ව්‍යවසායන් ප්‍රතිව්‍යුහගත කිරීම වැනි කරුණු පිළිබඳව අග්‍රාමාත්‍යවරිය අමාත්‍යාංශ නිලධාරීන් සමග දීර්ඝ ලෙස සාකච්ඡා කළාය. මෙහිදී අමාත්‍යාංශය යටතේ ක්‍රියාත්මක වන සෑම ආයතනයක් පිළිබඳව වෙන වෙනම විමසා බැලූ ආචාර්ය හරිනි අමරසූරිය අග්‍රාමාත්‍යවරිය ආයතන තුළ හදුනාගත් ගැටළු සඳහා කඩිනම් විසදුම් ලබා දීමට නිලධාරීන්ට උපදෙස් ලබා දුන්නාය. ලංකාවේ ආහාර සුරක්ෂිතතාවය පිළිබඳව වෙනමම අධිකාරියක් පිහිටුවීම හා ආහාර සුරක්ෂිතභාවය සඳහා පනතක් පිහිටුවීමේ අවශ්‍යතාවය පිළිබඳවද මෙම සාකච්ඡාවේදී අවධානය යොමු කරන ලදී. මෙහිදී වැඩිදුරටත් අදහස් දක්වමින් ආචාර්ය හරිනි අමරසූරිය පැවසුවේ ආර්ථික සංවර්ධනය සඳහා ලැබී ඇති අවස්ථාවෙන් උපරිම ප්‍රයෝජන ගැනීම සඳහා සාමූහිකව, විධිමත් සැලැස්මක් අනුව කටයුතු කළ යුතු බවය. එසේම ආයතන අතර මනා සම්බන්ධීකරණයක් පවත්වාගෙන යාමේ අවශ්‍යතාවයද අග්‍රාමාත්‍යවරිය මෙහිදී අවධාරණය කරන ලදී. මෙම සාකච්ඡාවට අග්‍රාමාත්‍ය ලේකම් ප්‍රදීප් සපුතන්ත්‍රී, කර්මාන්ත අමාත්‍යංශයේ ලේකම් එම්.එම්. නයීමුදීන්, අග්‍රාමාත්‍ය සම්බන්ධීකරණ නිලධාරී තරිඳු වනිගසූරිය හා චතුරංග අබේසිංහ, අමාත්‍යාංශයේ සියලුම අතිරේක ලේකම්වරු, අමාත්‍යාංශය යටතේ ක්‍රියාත්මක ආයතන වල අධ්‍යක්ෂ ජෙනරාල්වරු, ඉහළ පෙළේ රාජ්‍ය නිලධාරීන්, කර්මාන්තකරුවන් ඇතුළු පිරිසක් සහභාගී වූහ.
අමාත්‍යාංශයේ ඉදිරි සැලසුම් පිළිබඳ සාකච්ඡාවක් පැවැත්වේ.
අමාත්‍යාංශයේ ඉදිරි සැලසුම් පිළිබඳ සාකච්ඡාවක් පැවැත්වේ. වෙළෙඳ, වාණිජ, ආහාර සුරක්ෂිතතා, සමූපකාර සංවර්ධන, කර්මාන්ත හා ව්‍යවසායකත්ව සංවර්ධන අමාත්‍යාංශයේ ලේකම් එම්.එම්. නයීමුදීන් මහතාගේ ප්‍රධානත්වයෙන් අමාත්‍යාංශයේ ඉදිරි සැලසුම් පිළිබඳ සාකච්ඡාවක් පසුගියදා (2024 සැප්තැම්බර් 25) අමාත්‍යාංශ ශ්‍රවණාගාරයේදී අමාත්‍යාංශ නිලධාරීන් සමඟ පවත්වන ලදී.
ලංකාවේ විශාලතම ආහාර සැකසුම් හා ඇසුරුම් ප්‍රදර්ශනය වන PROFOOD PROPACK & Agbiz 2024 ඇරඹේ..
/*! elementor – v3.21.0 – 26-05-2024 */ .elementor-heading-title{padding:0;margin:0;line-height:1}.elementor-widget-heading .elementor-heading-title[class*=elementor-size-]>a{color:inherit;font-size:inherit;line-height:inherit}.elementor-widget-heading .elementor-heading-title.elementor-size-small{font-size:15px}.elementor-widget-heading .elementor-heading-title.elementor-size-medium{font-size:19px}.elementor-widget-heading .elementor-heading-title.elementor-size-large{font-size:29px}.elementor-widget-heading .elementor-heading-title.elementor-size-xl{font-size:39px}.elementor-widget-heading .elementor-heading-title.elementor-size-xxl{font-size:59px} ලංකාවේ විශාලතම ආහාර සැකසුම් හා ඇසුරුම් ප්‍රදර්ශනය වන PROFOOD PROPACK & Agbiz 2024 ඇරඹේ.. අපනයනය කේන්ද්‍රිය නිෂ්පාදන ආර්ථිකයක් රටතුළ ප්‍රවර්ධනය කිරීම වෙනුවෙන් නිෂ්පාදන කර්මාන්ත ව්‍යවසායකයන් බල ගැනවීම උදෙසා, Sri Lanka Food Processors Association විසින් කර්මාන්ත අමාත්‍යංශයේ අනුග්‍රහයෙන් ,අනෙකුත් රාජ්‍ය හා පෞද්ගලික ආයතනවල සහයෝගීතාවයෙන් සංවිධානය කළ Profood Propack & Agbiz 2024 ප්‍රදර්ශනය අගෝස්තු 23 දින කර්මාන්ත අමාත්‍යාංශයේ ලේකම් ශාන්ත වීරසිංහ මහතාගේ ප්‍රධානත්වයෙන් කොළඹ සිරිමාවෝ බණ්ඩාරනායක සම්මන්ත්‍රණ ශාලා පරිශ්‍රයේදී ආරම්භ කෙරිණි. ආහාර සහ ඇසුරුම් කර්මාන්තය ආශ්‍රිතව අඛණ්ඩව 21 වැනි වරටත් පැවැත්වෙන මෙම ප්‍රදර්ශනය අගෝස්තු 23, 24 සහ 25 යන දිනයන්හි පැවැත්වේ. ශ්‍රී ලංකාවේ කෘෂිකර්මාන්තය, ආහාර සකසන්නන් , බීම වර්ග සහ ඇසුරුම්කරණ ආයතන වලට ප්‍රධාන භූමිකාවක් ඉටු කිරීමට වේදිකාවක් සපයමින් ගෝලීය වශයෙන් ජනප්‍රිය ආහාරපාන සමඟින් සිය ආහාර සහ සේවාවන්හි විවිධත්වය ප්‍රවර්ධනය කිරීමට කදිම අවස්ථාවක් මෙමගින් සපයයි. විවිධ ආහාර සහ ඇසුරුම් නිෂ්පාදන සැපයුම්කරුවෙකු ලෙස සන්නාම වටිනාකම සහ අලෙවිකරණය උත්තේජනය කිරීම. ප්‍රමිතීන් වැඩිදියුණු කිරීම සහ ක්ෂේත්‍රයේ දේශීය හා විදේශීය අපේක්ෂාවන් සමඟ අත්දැකීම් බෙදාහදා ගැනීම තුළින් ආහාර පාන ක්ෂේත්‍රයේ දියුණුවට මෙම ප්‍රදර්ශනය තුලින් අවස්ථාව සැලෙසෙනු ඇත. මෙහිදි අදහස් දැක්වමින් කර්මාන්ත අමාත්‍යාංශයේ ලේකම් ශාන්ත වීරසිංහ මහතා සදහන් කළේ නව ලොව හා යාවත්කාලීන වූ ආහාර තාක්ෂණය මෙන්ම ඇසුරුම්කරන තාක්ෂණය මෙවැනි ප්‍රදර්ශනයන් හරහා ජනගත කිරීම තුළින් රජය අපේක්ෂා කරන අපනයන කේන්ද්‍රීය නිෂ්පාදන ආර්ථිකයට ආහාර ක්ෂේත්‍රය තුළින් ලබාදිය හැකි දායකත්වය ඉහළ නැංවීමට ප්‍රභල උත්තේජනයක් ඇති කළ හැකි බවයි. මෙම අවස්ථාව සදහා කර්මාන්ත අමාත්‍යංශයේ අතිරේක ලේකම්වරුන්, කාර්මික සංවර්ධන මණ්ඩලයේ සභාපති වෛද්‍ය සාරංග අලහප්පෙරුම , ආහාර සැකසුම් කරුවන්ගේ සංගමයේ සභාපති තුසිත් විජේසිංහ , ජාතික කෘෂි ව්‍යාපාරික සභාවේ සභාපති මාර්ලෝ ඩී අල්විස් , ආහාර සැකසුම් කරුවන්ගේ සංවිධායක කමිටුව , රාජ්‍ය නිලධාරීන් , කුඩා හා මධ්‍ය පරිමාණ ව්‍යවසායකයන් ඇතුළු විශාල පිරිසක් සහභාගි වුහ. /*! elementor – v3.21.0 – 26-05-2024 */ .elementor-widget-image{text-align:center}.elementor-widget-image a{display:inline-block}.elementor-widget-image a img[src$=”.svg”]{width:48px}.elementor-widget-image img{vertical-align:middle;display:inline-block}
ශ්‍රී ලංකාවේ විශාලම වඩු පාසල යළි පණ ගැන්වේ..
/*! elementor – v3.21.0 – 26-05-2024 */ .elementor-heading-title{padding:0;margin:0;line-height:1}.elementor-widget-heading .elementor-heading-title[class*=elementor-size-]>a{color:inherit;font-size:inherit;line-height:inherit}.elementor-widget-heading .elementor-heading-title.elementor-size-small{font-size:15px}.elementor-widget-heading .elementor-heading-title.elementor-size-medium{font-size:19px}.elementor-widget-heading .elementor-heading-title.elementor-size-large{font-size:29px}.elementor-widget-heading .elementor-heading-title.elementor-size-xl{font-size:39px}.elementor-widget-heading .elementor-heading-title.elementor-size-xxl{font-size:59px} ශ්‍රී ලංකාවේ විශාලම වඩු පාසල යළි පණ ගැන්වේ… ශ්‍රී ලංකාවේ ක්‍රියාත්මක වූ විශාලම වඩු පාසල වන “කටුබැද්ද යාන්ත්‍රික දැව තාක්ෂණ උසස් අභ්‍යාස ආයතනය” කර්මාන්ත හා සෞඛ්‍ය අමාත්‍ය වෛද්‍ය රමේෂ් පතිරණ මහතාගේ මඟපෙන්වීම අනුව යමින් අගෝස්තු 20 දින අධ්‍යන කටයුතු හා නිෂ්පාදන කටයුතු සඳහා නැවතත් ආරම්භ කරන ලදී. 1960 දී ආරම්භ කරන ලද මෙම ආයතනය 2008 දී අකර්මණ්‍ය වන තෙක්ම පාසැල් වලට අවශ්‍ය මේස පුටු ඇතුළුව අනිකුත් රාජ්‍ය ආයතන සඳහා ලී බඩු සහ ගෘහභාණ්ඩ නිෂ්පාදනය සහ අලුත්වැඩියාව සිදුකරන ලදී. නැවතත් වසර 16 කට පසුව නවීකරණය කර ආරම්භ කළ “කටුබැද්ද යාන්ත්‍රික දැව තාක්ෂණ උසස් අභ්‍යාස ආයතනය” කර්මාන්ත අමාත්‍යාංශය යටතේ ක්‍රියාත්මක වන ජාතික ශිල්ප සභාව සතුවේ. සියලුම පළාත් සභා යටතේ ක්‍රියාත්මක වන වඩු පාසල් සමඟ ජාලගත කර ඇති මෙම ආයතනය ශ්‍රී ලංකාවේ ඉහළම පිළිගැනීමක් සහිත වෘත්තීය අධ්‍යාපන ආයතනයක් ලෙස සැලකෙයි. සිසුන් 80 ක් සඳහා නේවාසික පාඨමාලාවක් ලෙස කටුබැද්ද යාන්ත්‍රික දැව තාක්ෂණ උසස් අභ්‍යාස ආයතනය” විසින් නොමිලේ පවත්වන එක් අවුරුදු වඩු තාක්ෂණික උසස් ඩිප්ලෝමා පාඨමාලාව සඳහා NVQ 4 මට්ටම හිමිවේ. නවීනතම තාක්ෂණික මෙවලම් වලින් සමන්විත මෙම වඩු පාසල වඩු කර්මාන්තයේ නියුතු ව්‍යවසායකයින් බිහි කිරීමේ අරමුණ ඇතිව ක්‍රියාත්මක වන අතර මෙහි පුහුණුව ලබන්නන් හට ගෘහභාණ්ඩ ක්ෂේත්‍රයේ සුප්‍රසිද්ධ දොන් කරෝලිස්, A.T. කුරේ, දම්රෝ වැනි ආයතනවල ප්‍රායෝගික පුහුණුව ලබා දෙයි. රාජ්‍ය අංශය, විශ්ව විද්‍යාල හා පුද්ගලික අංශය යන අංශ 3ම සහයෝගය ඇතිව මෙහි පුහුණු පාඨමාලා පැවැත්වීමට ජාතික ශිල්ප සභාව සැලසුම් කර තිබෙයි. මෙම අවස්ථාවේ අදහස් දක්වමින් කර්මාන්ත අමාත්‍යාංශයේ ලේකම් ශාන්ත වීරසිංහ මහතා ප්‍රකාශ කළේ, නවීන වෙළඳපල ජයගත හැකි වඩු කර්මාන්තයේ නිරත ව්‍යවසායකින් බිහි කිරීම මෙම ආයතනය නැවත ආරම්භ කිරීමේ අරමුණ වන බවත් මෙම පාඨමාලා සාර්ථකව අවසන් කිරීමෙන් පසුව තමන්ගේම ව්‍යාපාර ආරම්භ කිරීමට අවශ්‍ය උපදෙස්, මූල්‍ය සහන, තාක්ෂණික සහය ඇතුළු සියලුම පහසුකම් ලබා දීමට කර්මාන්ත අමාත්‍යාංශය ලබාදෙන බවයි. එසේම මෙම ක්ෂේත්‍රය තුළ කාන්තා ව්‍යවසායකත්වය කැපී පෙනෙන ලෙස අවම මට්ටමක පවතින බවත් මෙම අංශය සඳහා කාන්තාවන් යොමුවීම ප්‍රවර්ධනය කළ යුතු බවත් ඉතා ඉහළ අවස්ථාවන් රැසක් කාන්තාවන්ට මෙම ක්ෂේත්‍රය තුළ අත්කර ගත හැකි බවත් ශාන්ත වීරසිංහ මහතා වැඩිදුරටත් පැවසීය. මෙම අවස්ථාවට කර්මාන්ත අමාත්‍යාංශයේ අතිරේක ලේකම් සුභද්‍රා වල්පොල, කර්මාන්ත අමාත්‍යාංශයේ අධ්‍යක්ෂ ජනරාල් (සැලසුම්) අරුණ බණ්ඩාර, ජාතික ශිල්ප සභාවේ සභාපති සම්පත් ඇරැහැපොළ, මොරටුව විශ්වවිද්‍යාලයේ කථිකාචාර්ය ආචාර්ය කමල් වාසල, පළාත් කර්මාන්ත අධ්‍යක්ෂකවරු, ජාතික ශිල්ප සභාවේ නිලධාරීන්, සිසුන්, දෙමාපියන් ඇතුළු විශාල පිරිසක් සහභාගි වූහ. /*! elementor – v3.21.0 – 26-05-2024 */ .elementor-widget-image{text-align:center}.elementor-widget-image a{display:inline-block}.elementor-widget-image a img[src$=”.svg”]{width:48px}.elementor-widget-image img{vertical-align:middle;display:inline-block}
ඇඟළුම් ක්ෂේත්‍රයේ නිරත කාන්තාවන් වෙනුවෙන් පළමුවරට “වියමන්වරිය” ලෙස වෘත්තීමය ගෞරව නාමයක්…
/*! elementor – v3.21.0 – 26-05-2024 */ .elementor-heading-title{padding:0;margin:0;line-height:1}.elementor-widget-heading .elementor-heading-title[class*=elementor-size-]>a{color:inherit;font-size:inherit;line-height:inherit}.elementor-widget-heading .elementor-heading-title.elementor-size-small{font-size:15px}.elementor-widget-heading .elementor-heading-title.elementor-size-medium{font-size:19px}.elementor-widget-heading .elementor-heading-title.elementor-size-large{font-size:29px}.elementor-widget-heading .elementor-heading-title.elementor-size-xl{font-size:39px}.elementor-widget-heading .elementor-heading-title.elementor-size-xxl{font-size:59px} ඇඟළුම් ක්ෂේත්‍රයේ නිරත කාන්තාවන් වෙනුවෙන් පළමුවරට “වියමන්වරිය” ලෙස වෘත්තීමය ගෞරව නාමයක්. විශාඛා විද්‍යාලයීය වාණිජ සංගමය විසින් සංවිධානය කළ “විනිමය වියමන’24” වාණිජ දිනය ශ්‍රී ලංකා ආයෝජන මණ්ඩලයේ හිටපු සභාපති මහාචාර්ය ලක්ෂ්මන් ආර් වටවල හා කර්මාන්ත අමාත්‍යාංශයේ ලේකම් ශාන්ත වීරසිංහ මහතුන්ගේ ප්‍රධානත්වයෙන් විද්‍යාලයීය ජෙරමියස් දියෙස් ශාලාවේදී අගෝස්තු 08 දින පස්වරුවේ පැවැත්වූ අතර ශ්‍රී ලංකාවේ ආර්ථික ප්‍රගමනයට පුරෝගාමී දායකත්වයක් සපයන ඇඟලුම් ක්ෂේත්‍රයේ නිරත කාන්තාවන් උදෙසා “වියමන්වරිය” යන වෘත්තීමය ගෞරව නාමය ජනසතු කිරීම මෙම වාණිජ දිනයට සමගාමීව සිදුකරනු ලැබීය. විශාඛා දියණියන්ගේ සංකල්පයක් මත එළිදැක්වූ මෙම වෘත්තීමය ගෞරව නාමය මෙතෙන් පටන් ශ්‍රී ලාංකික ඇඟලුම් ක්ෂේත්‍රයේ නිරත වන සියලුම කාන්තාවන් වෙනුවෙන් භාවිතා කරන අතර “වියමන්වරිය” යන වෘත්තීමය ගෞරව නාමය භාවිතාව පිළිබඳව සියළුම විද්ද්‍යුත් හා මුද්‍රිත මාධ්‍ය ආයතන වෙත සන්නස් පිළිගැන්වීමද විශාඛා දියණියන් විසින් මෙහිදී සිදුකරන ලදී. වීඩියෝ තාක්ෂණය ඔස්සේ “විනිමය වියමන’24” වාණිජ දිනය සමඟ එක්වෙමින් කර්මාන්ත හා සෞඛ්‍ය අමාත්‍ය වෛද්‍ය රමේෂ් පතිරණ මහතා, ශ්‍රී ලංකාවේ ආර්ථිකයට සුවිශේෂී දායකත්වයක් ලබාදෙන ඇඟලුම් ක්ෂේත්‍රයේ නිරත අපගේ කාන්තාවන් වෙනුවෙන් මෙවැනි වෘත්තීමය ගෞරව නාමයක් ලබාදීම පිළිබඳව කර්මාන්ත අමාත්‍යවරයා ලෙස තමා ඉතාමත් සතුටට පත්වෙන බවත් ඒ සඳහා මූලිකත්වය ගැනීම පිළිබඳව විශාඛා දියණියන්ට තම ස්තුතිය පුද කරන බවත් පැවසීය. ශ්‍රී ලංකා ආයෝජන මණ්ඩලයේ හිටපු සභාපති මහාචාර්ය ලක්ෂ්මන් ආර් වටවල, ශ්‍රී ලංකා මහා බැංකුවේ අධ්‍යක්ෂ ආචාර්ය අනිල් පෙරේරා, කැපිටල් මහාරාජා සමූහයේ සමූහ අධ්‍යක්ෂ හා ප්‍රධාන මෙහෙයුම් නිලධාරී ෂාන් වීරසේකර, MAS Bodyline ආයතනයේ මානව සම්පත් හා තිරසාර ව්‍යාපාර සංවර්ධන අධ්‍යක්ෂිකා සසිනි සෙනරත් යන මහත්ම මහත්මීන්ගේ සම්පත් දායකත්වයෙන් ඇඟලුම් ක්ෂේත්‍රයේ ආරම්භය හා විකාශය, ඇඟලුම් ක්ෂේත්‍රය තුළ මානව සම්පත කළමනාකරණය කිරීම, රැකියා වෙළඳපළෙහි කාන්තා දායකත්වය, අපනයන විවිධාංගිකරණය, ශ්‍රී ලංකා ආර්ථිකය තුළ මහ බැංකුවේ කාර්යභාරය, දිගුකාලීන ආර්ථික ස්ථාවර භාවයක් පවත්වා ගැනීම යන මාතෘකා පිළිබඳව විද්වත් සාකච්ඡාවක්ද පවත්වන ලදී. මෙම අවස්ථාවේදී අදහස් දක්වමින් කර්මාන්ත අමාත්‍යාංශයේ ලේකම් ශාන්ත වීරසිංහ මහතා ප්‍රකාශ කළේ, ශ්‍රී ලංකාවට ඇමරිකානු ඩොලර් බිලියන 5.3 ක් වැනි ඉහළම අපනයන ආදායමක් ලැබෙන්නේ ඇඟළුම් අංශයෙන් වන අතර ලංකාවේ කාන්තා ශ්‍රම බලකායෙන් වැඩිම පිරිසක් නිරත වී සිටින්නේ ඇඟලුම් ක්ෂේත්‍රයේ රැකියා වල බවත්, අපනයන කේන්ද්‍රීය ආර්ථිකයක් කරා යන ගමනේදී ඉහළම අපනයන ආදායම් ලබාදෙන ඇඟළුම් ක්ෂේත්‍රයේ නිරත කාන්තාවන් මෙලෙස දිරිමත් කිරීම ඉතාමත් කාලෝචිත බවයි. එසේම මේ වන විට මෙම ක්ෂේත්‍රය සෘජු රැකියා අවස්ථා 350 000 ක් පමණ ලබාදී ඇති බවත්, තවත් වක්‍ර රැකියා ලක්ෂ 7 කට වඩා වැඩි ප්‍රමාණයක් බිහිකර දැවැන්ත රැකියා වෙළඳපළක් නිර්මාණය කර දීමට සමත් වී ඇති බවද ශාන්ත වීරසිංහ මහතා වැඩිදුරටත් පැවසීය. “විනිමය වියමන’24” වාණිජ දිනයට සමගාමීව පවත්වන ලද චිත්‍ර නිර්මාණ, රචනා, කථික, විවාද, සන්නාම නිර්මාණය වැනි තරඟ වලින් ජයග්‍රහණය කළ පාසල් දරු දැරියන්ට සහතික පත්‍ර ප්‍රදානය කළ අතර MAS ආයතනයේ කළමනාකාරිනී භාග්‍යා සෙනෙවිරත්න මහත්මිය විසින් ඇඟළුම් ක්ෂේත්‍රයෙන් ජීවිතය දිනූ “දිරිය කතකගේ සැබෑ ජීවන කතාව” ඉදිරිපත් කළාය. මෙම අවස්ථාවට විශාඛා විද්‍යාලයේ විදුහල්පතිනිය මනෝමි සෙනෙවිරත්න මහත්මිය, අනුග්‍රාහක ආයතනවල ප්‍රධානීන්, ගුරු මහත්ම මහත්මීන්, පාසල් දරු දැරියන් ඇතුළු විශාල පිරිසක් සහභාගි වූහ /*! elementor – v3.21.0 – 26-05-2024 */ .elementor-widget-image{text-align:center}.elementor-widget-image a{display:inline-block}.elementor-widget-image a img[src$=”.svg”]{width:48px}.elementor-widget-image img{vertical-align:middle;display:inline-block}
ජාත්‍යන්තර තත්ත්ව සහතිකය ලබාගැනීම සඳහා දැනුවත් කිරීමේ වැඩසටහන් මාලාවේ තවත් අදියරක් ක්‍රියාත්මක කෙරෙයි
/*! elementor – v3.21.0 – 26-05-2024 */ .elementor-heading-title{padding:0;margin:0;line-height:1}.elementor-widget-heading .elementor-heading-title[class*=elementor-size-]>a{color:inherit;font-size:inherit;line-height:inherit}.elementor-widget-heading .elementor-heading-title.elementor-size-small{font-size:15px}.elementor-widget-heading .elementor-heading-title.elementor-size-medium{font-size:19px}.elementor-widget-heading .elementor-heading-title.elementor-size-large{font-size:29px}.elementor-widget-heading .elementor-heading-title.elementor-size-xl{font-size:39px}.elementor-widget-heading .elementor-heading-title.elementor-size-xxl{font-size:59px} ජාත්‍යන්තර තත්ත්ව සහතිකය ලබාගැනීම සඳහා දැනුවත් කිරීමේ වැඩසටහන් මාලාවේ තවත් අදියරක් ක්‍රියාත්මක කෙරෙයි කර්මාන්ත අමාත්‍යංශය විසින් තෝරාගනු ලැබු සුළු හා මධ්‍ය පරිමාණ ව්‍යවසායකයන් හා ආයතන 71 සදහා ජාත්‍යන්තර තත්ත්ව සහතික ලබා ගැනීමට අවශ්‍යය උපදෙස් ලබාදීමේ වැඩසටහන ජූලි 29 දින අමාත්‍යාංශය ශ්‍රවනාගාරයේ දී පැවැත්වුණා.ISO 9001, ISO 14001, ISO 22000, සහ ISO 50001 යන තත්ත්ව සහතික ලබාදීමේ ක්‍රියාවලිය පිළිබඳ ශ්‍රී ලංකා ප්‍රමිති ආයතනය , Ceycert (Pvt.)Ltd , Indexpo Certification (Pvt.)Ltd, SGS Lanka (Pvt.)Ltd, සහ Control Union Inspections (Pvt.)Ltd යන ආයතන වල නියෝජිතයින් විසින් තම ආයතනය මඟින් සිදුකරන කාර්යයන් සහ සේවාවන් මෙහිදී පැහැදිලි කරනු ලැබුවා.මෙම වසර අවසානයට පෙර එනම් ඔක්තෝබර් 31 වනදාට පෙර අමාත්‍යාංශයේ ප්‍රතිපාදන මේ වෙනුවෙන් වෙන් කරලීම සදහා ව්‍යවසායකයින් විසින් තත්ත්ව සහතික ලබාගැනීමට සැපිරිය යුතු කාරණා සහ ඒ වෙනුවෙන් දිරී ගැන්වීම මෙම වැඩසටහන ක්‍රියාත්මක කිරීමේ අරමුණ වුනා. මෙම අවස්ථාව සදහා කර්මාන්ත අමාත්‍යාංශයේ අතිරේක ලේකම් චමින්ද පතිරාජ, ආංශික සංවර්ධන අංශයේ අධ්‍යක්ෂ නාලනී බලසුබ්‍රමනියම්, සංවර්ධන අංශයේ නිලධාරීන් , තෝරාගත් සුළු හා මධ්‍ය පරිමාණ ව්‍යවසායකයන් ඇතුළු පිරිසක් එක්ව සිටියා. /*! elementor – v3.21.0 – 26-05-2024 */ .elementor-widget-image{text-align:center}.elementor-widget-image a{display:inline-block}.elementor-widget-image a img[src$=”.svg”]{width:48px}.elementor-widget-image img{vertical-align:middle;display:inline-block}
ගම්පහ දිස්ත්‍රික් කුඩා හා මධ්‍ය පරිමාණ ව්‍යවසායකයින් උදෙසා ව්‍යවසායකත්ව සංවර්ධන වැඩමුළුවක් පැවැත්වෙයි
/*! elementor – v3.21.0 – 26-05-2024 */ .elementor-heading-title{padding:0;margin:0;line-height:1}.elementor-widget-heading .elementor-heading-title[class*=elementor-size-]>a{color:inherit;font-size:inherit;line-height:inherit}.elementor-widget-heading .elementor-heading-title.elementor-size-small{font-size:15px}.elementor-widget-heading .elementor-heading-title.elementor-size-medium{font-size:19px}.elementor-widget-heading .elementor-heading-title.elementor-size-large{font-size:29px}.elementor-widget-heading .elementor-heading-title.elementor-size-xl{font-size:39px}.elementor-widget-heading .elementor-heading-title.elementor-size-xxl{font-size:59px} ගම්පහ දිස්ත්‍රික් කුඩා හා මධ්‍ය පරිමාණ ව්‍යවසායකයින් උදෙසා ව්‍යවසායකත්ව සංවර්ධන වැඩමුළුවක් පැවැත්වෙයි කර්මාන්ත අමාත්‍යාංශය යටතේ ක්‍රියාත්මක වන ජාතික ව්‍යවසාය සංවර්ධන අධිකාරිය විසින් ශ්‍රී ලංකාවේ ක්ෂුද්‍ර, සුළු හා මධ්‍ය පරිමාණ ව්‍යවසායකයින්ගේ සන්නාම 500 ක් සංවර්ධනය කිරීමේ ” B500 ” ජාතික වැඩසටහන යටතේ “සුවිශේෂී පාරිභෝගික සත්කාර සේවාවක්” මැයෙන් සංවිධානය කළ විශේෂ වැඩමුළුවක් ජූලි 25 දින ගම්පහ දිස්ත්‍රික් ලේකම් කාර්යාලයේ ශ්‍රවණාගාරයේදී පවත්වන ලදී.කුඩා හා මධ්‍ය පරිමාණ ව්‍යවසාය සංවර්ධන රාජ්‍ය අමාත්‍ය ප්‍රසන්න රණවීර මහතාගේ ප්‍රධානත්වයෙන් ගම්පහ අතිරේක දිස්ත්‍රික් ලේකම් සුගත් කිත්සිරි මහතාගේ සහභාගිත්වයෙන් පවත්වන ලද මෙම වැඩමුළුව සඳහා ගම්පහ දිස්ත්‍රික්කයේ තෝරාගත් ක්ෂුද්‍ර, සුළු හා මධ්‍ය පරිමාණ ව්‍යවසායකයින් 200 ක් පමණ සහභාගි වූහ.ග්‍රාමීය මට්ටමේ පවතින ශ්‍රී ලාංකික ක්ෂුද්‍ර , සුළු හා මධ්‍ය පරිමාණ ව්‍යවසායකයින්ගේ නිෂ්පාදන ජාතික මට්ටමෙන් ඉහලට ගොස් ජාත්‍යන්තර වෙළඳපල දක්වා ගෙන යා හැකි ව්‍යාපාර සන්නාම බවට පත්කිරීම සඳහා ආරම්භ කළ ” B500 ” සන්නාම 500 ක් සංවර්ධනය කිරීමේ ජාතික වැඩසටහන මගින් ග්‍රාමීය මට්ටමේ ව්‍යවසායකයින් හට අපනයන වෙළඳපොළ ආකර්ෂණය කරගත හැකි වන අතර සන්නාමකරණය පිළිබදව ව්‍යවසායකයින් දැනුවත් කිරීම, සන්නාම ප්‍රවර්ධනය සඳහා අවශ්‍ය සැලසුම් සකස් කිරීම, රජය විසින් ව්‍යවසායකයින්ට ලබා දෙන විවිධ සේවාවන්හිදී ප්‍රමුඛත්වය ලබාදීම, සන්නාමකරණට අදාළ පහසුකම් නොමිලේ සැපයීම, දේශීය හා විදේශීය වෙළඳපොළ අවස්ථා ඇති කිරීම, ව්‍යාපාරික ගැටලු සඳහා මැදිහත්වීම සිදුකරයි.අද දින පැවැත්වූ මෙම වැඩමුළුවේ සම්පත් දායකත්වය ප්‍රවීණ දේශක , කළමනාකරණ පුහුණු උපදේශක සහ ජාතික ව්‍යවසාය සංවර්ධන අධිකාරියේ සභාපති ලසන්ත ලසන්ත කාරියප්පෙරුම මහතා විසින් ලබාදුන් අතර ගුණාත්මක භාණ්ඩයක් නිෂ්පාදනය කිරීම, ගුණාත්මක බෙදාහැරීමේ ක්‍රමවේදයක් සකස් කර ගැනීම, විශිෂ්ඨ සේවා මානසිකත්වයක් ඇතිකර ගැනීම, පාරිභෝගික හැසිරීම හා පාරිභෝගික අවශ්‍යතා යන කරුණු පිළිබඳව මෙහිදී ව්‍යවසායකයින් දැනුවත් කරන ලදි. /*! elementor – v3.21.0 – 26-05-2024 */ .elementor-widget-image{text-align:center}.elementor-widget-image a{display:inline-block}.elementor-widget-image a img[src$=”.svg”]{width:48px}.elementor-widget-image img{vertical-align:middle;display:inline-block}
බේරුවල නව බෝට්ටු අංගනයක් ඉදිකිරීමට සැලසුම්..
/*! elementor – v3.21.0 – 26-05-2024 */ .elementor-heading-title{padding:0;margin:0;line-height:1}.elementor-widget-heading .elementor-heading-title[class*=elementor-size-]>a{color:inherit;font-size:inherit;line-height:inherit}.elementor-widget-heading .elementor-heading-title.elementor-size-small{font-size:15px}.elementor-widget-heading .elementor-heading-title.elementor-size-medium{font-size:19px}.elementor-widget-heading .elementor-heading-title.elementor-size-large{font-size:29px}.elementor-widget-heading .elementor-heading-title.elementor-size-xl{font-size:39px}.elementor-widget-heading .elementor-heading-title.elementor-size-xxl{font-size:59px} බේරුවල නව බෝට්ටු අංගනයක් ඉදිකිරීමට සැලසුම්.. බෝට්ටු නිෂ්පාදන කර්මාන්තයේ අභිවෘද්ධිය වෙනුවෙන් දේශීය බෝට්ටු නිෂ්පාදකයන් කර්මාන්ත හා සෞඛ්‍ය අමාත්‍ය වෛද්‍ය රමේෂ් පතිරණ මහතා වෙත කළ යෝජනාවකට අනුව බේරුවල ප්‍රදේශයේ ඉදිකිරීමට යෝජිත “දියත් මග” බෝට්ටු අංගන ව්‍යාපෘතිය පිළිබඳව විශේෂ සාකච්ඡාවක් කර්මාන්ත අමාත්‍යාංශයේ ලේකම් ශාන්ත වීරසිංහ මහාතාගේ ප්‍රධානත්වයෙන් ජූලි 19 දින කර්මාන්ත අමාත්‍යාංශයේදී පැවැත්වින. මෙම “දියත් මග” බෝට්ටු අංගන ව්‍යාපෘතියේ ඉදිකිරීම් වල අධීක්ෂණ කටයුතු ශ්‍රි ලංකා වාරාය අධිකාරිය හා ශ්‍රී ලංකා නාවික හමුදාව විසින් සිදුකරන අතර ව්‍යාපෘතිය පවත්වාගෙන යාම සහ එහි නඩත්තු කටයුතු ධීවර සංස්ථාවට පැවරී ඇත. මෙම අවස්ථාවේදී කර්මාන්ත අමාත්‍යාංශයේ ලේකම් ශාන්ත වීරසිංහ මහාතා, රජය මැදිහත් වි සිදු කරන බොහෝ ව්‍යාපෘති අසාර්ථක වීමට හේතුව ඒවායේ නඩත්තු කටයුතු නිසි පරිදි සිදුනොකිරීම නිසා බවත් ව්‍යාපෘතියක සාර්ථකත්වයට එහි නඩත්තු කටයුතු නිසිපරිදි සිදුකිරීම ඉතා වැදගත් බවත් පැවසීය. එසේම මෙම ව්‍යාපෘතිය මඟින් පරිසරයට හානියක් සිදු නොවීමට සියළු පාර්ශවයන් වගබලාගත යුතු බවද ශාන්ත වීරසිංහ මහතා වැඩිදුරටත් පැවසීය. මෙම සාකච්ඡාවට කර්මාන්ත අමාත්‍යාංශයේ අතිරේක ලේකම් චමින්ද පතිරාජ, සැලසුම් අධ්‍යක්ෂ ජනරාල් අරුණ බණ්ඩාර, ප්‍රධාන මුල්‍ය නිලධාරී හර්මන් ප්‍රනාන්දු, ශ්‍රි ලංකා වාරාය අධිකාරිය, ශ්‍රී ලංකා නාවික හමුදාව ,බේරුවල ප්‍රාදේශීය ලේකම් කාර්යාලය, බෝට්ටු නිෂ්පාදන ආයතන වල නිලධාරීන් පිරිසක් සහභාගි වුහ. /*! elementor – v3.21.0 – 26-05-2024 */ .elementor-widget-image{text-align:center}.elementor-widget-image a{display:inline-block}.elementor-widget-image a img[src$=”.svg”]{width:48px}.elementor-widget-image img{vertical-align:middle;display:inline-block}
තිරසාර සංවර්ධන ඉලක්ක (SDGs) සාක්ෂාත් කර ගැනීම සඳහා අන්තර්ගත සහ තිරසාර ව්‍යාපාර (ISB උපාය මාර්ගය) ප්‍රවර්ධනය කිරීමට අවධානය යොමු කෙරේ..
/*! elementor – v3.21.0 – 26-05-2024 */ .elementor-heading-title{padding:0;margin:0;line-height:1}.elementor-widget-heading .elementor-heading-title[class*=elementor-size-]>a{color:inherit;font-size:inherit;line-height:inherit}.elementor-widget-heading .elementor-heading-title.elementor-size-small{font-size:15px}.elementor-widget-heading .elementor-heading-title.elementor-size-medium{font-size:19px}.elementor-widget-heading .elementor-heading-title.elementor-size-large{font-size:29px}.elementor-widget-heading .elementor-heading-title.elementor-size-xl{font-size:39px}.elementor-widget-heading .elementor-heading-title.elementor-size-xxl{font-size:59px} තිරසාර සංවර්ධන ඉලක්ක (SDGs) සාක්ෂාත් කර ගැනීම සඳහා අන්තර්ගත සහ තිරසාර ව්‍යාපාර (ISB උපාය මාර්ගය) ප්‍රවර්ධනය කිරීමට අවධානය යොමු කෙරේ.. තිරසාර සංවර්ධන ඉලක්ක (SDGs) සාක්ෂාත් කර ගැනීම සඳහා අන්තර්ගත සහ තිරසාර ව්‍යාපාර (ISB උපාය මාර්ගය) ප්‍රවර්ධනය කිරීමේ උපාය මාර්ගය ක්‍රියාත්මක කිරීම සඳහා සහයෝගීතා සහ හවුල්කාරිත්වයන් පිළිබඳ සාකච්ඡාවක් ජූලි 19 දින කර්මාන්ත අමාත්‍යාංශ ශ්‍රවණාගාරයේදී පැවැත්වුණා. ශ්‍රී ලංකාවේ තිරසාර සංවර්ධන ඉලක්ක (SDGs) සාක්ෂාත් කර ගැනීම සඳහා ඇතුළත් සහ තිරසාර ව්‍යාපාර ප්‍රවර්ධනය කිරීමේ උපායමාර්ගය 2024 පෙබරවාරි මාසයේදී අමාත්‍ය මණ්ඩලය විසින් සම්මත කෙරුණා.ශ්‍රී ලංකාවේ ISB සංවර්ධනයට සහාය වීම සඳහා රාජ්‍ය ක්‍රියාමාර්ගවල ඵලදායිතාව ඉහළ නැංවීමට මෙම උපායමාර්ගය අවස්ථා සපයයි. ආසියා පැසිෆික් කලාපයේ රජයන් ගණනාවක් ඇතුළත් ව්‍යාපාර ප්‍රවර්ධනය කිරීම සඳහා මෙම උපාය මාර්ග යොදමින් සිටී. තායිලන්තය, වියට්නාමය, කාම්බෝජය වැනි රටවල් ISB ප්‍රවර්ධනයට සහ සංවර්ධනයට සහය දැක්වීම සඳහා විවිධ පියවර ගනිමින් සිටී. ISB ක්‍රමෝපාය සැකසීමත් සමඟම, ISB සංවර්ධනය සඳහා ශක්තිමත් රාමුවක් ස්ථාපිත කළ දකුණු ආසියාවේ පළමු රට බවට ශ්‍රී ලංකාව පත්ව ඇත.මෙම උපායමාර්ගය ධනාත්මක සමාජ හා පාරිසරික වෙනසක් ඇති කරමින් ව්‍යාපාර සමෘද්ධිමත් වීම සඳහා පුළුල් රාමුවක් ස්ථාපිත කරන අතර සමෘද්ධිය සහ පාරිසරික වගකීම සමඟ බැඳී ඇති අනාගතයක් කරා ශ්‍රී ලංකාවේ ගමන ද ශක්තිමත් කර ඇත. මේ සදහා කර්මාන්ත අමාත්‍යාංශය, ආයෝජන ප්‍රවර්ධන අමාත්‍යාංශය, මුදල් අමාත්‍යාංශය, පරිසර අමාත්‍යාංශය, කාන්තා කටයුතු අමාත්‍යාංශය, ලංකා වාණිජ මණ්ඩල, කාන්තා කර්මාන්ත හා වාණිජ මණ්ඩලය යන ආයතන සමඟින් ජාතික මෙහෙයුම් කමිටුවක් ජනාධිපති ලේකම් කාර්යාලය විසින් පත් කර ඇත. තිරසර සංවර්ධන සභාව මෙහෙයුම් කමිටුවේ ලේකම් කාර්යාලය ලෙස ද කටයුතු කරයි.එ අනුව මෙම ක්ෂේත්‍රයට සම්බන්ධ හවුල්කරුවන්ගේ දායකත්වය විධිමත් කිරීම සහ ISB උපායමාර්ගය ක්‍රියාත්මක කිරීමට සහය වීම සඳහා සහයෝගිතා හවුල්කාරිත්වයන් ගවේෂණය කිරීම මෙම හමුවේ අරමුණයි මෙම අවස්ථාවට කර්මාන්ත අමාත්‍යාංශයේ ලේකම් ශාන්ත විරසිංහ, කර්මාන්ත අමාත්‍යංශයේ අතිරේක ලේකම් චමින්ද පතිරාජ ඇතුළු අමාත්‍යාංශයේ අතිරේක ලේකම්වරුන් , කාර්මික සංවර්ධන මණ්ඩලයේ සභාපති වෛද්‍ය සාරංග අලහප්පෙරුම, (JICA) ආයතනයේ නියෝජිත ටෙට්සුයා යාමදා ,තිරසර සංවර්ධන සභාවේ අධ්‍යක්ෂ ජෙනරාල් චාමින්ද්‍රී සපරමාදු ඇතුළු නිලධාරීන් පිරිසක් එක්ව සිටියා. /*! elementor – v3.21.0 – 26-05-2024 */ .elementor-widget-image{text-align:center}.elementor-widget-image a{display:inline-block}.elementor-widget-image a img[src$=”.svg”]{width:48px}.elementor-widget-image img{vertical-align:middle;display:inline-block}