දේශීය සම්පත් ආරක්ෂා කරගනිමින් අයෝජකයන්ට ඇති ඉඩ ප්‍රස්ථාවන් පුළුල් කරනවා ” – වැවිලි කර්මාන්ත හා කර්මාන්ත ඇමති
“දේශීය සම්පත් ආරක්ෂා කරගනිමින් අයෝජකයන්ට ඇති ඉඩ ප්‍රස්ථාවන් පුළුල් කරනවා “ – වැවිලි කර්මාන්ත හා කර්මාන්ත ඇමති ” උපරිම පහසුකම් සලසමින් ආයෝජකයන්ට මෙරට තුළ නිදහස් වටපිටාවක් නිර්මාණය කරනවා “ – ආයෝජන ප්‍රවර්ධන ඇමති දෙස් විදෙස් ආයෝජකයන් සදහා උපරිම පහසුකම් සහිත ඉඩ ප්‍රස්ථා සලසාදීමේ විධිමත් වැඩපිළිවෙළක් ක්‍රියාත්මක කිරීමේ අරමුණෙන් , වැවිලි කර්මාන්ත හා කර්මාන්ත අමාත්‍ය වෛද්‍ය රමේෂ් පතිරණ මහතා සහ ආයෝජන ප්‍රවර්ධන අමාත්‍ය දිලුම් අමුණුගම මහතා අතර විශේෂ සාකච්ඡාවක් අද ( 11 ) ආයෝජන ප්‍රවර්ධන අමාත්‍යංශ පරිශ්‍රයේදී පැවැත්විණි. එහිදී අදහස් දක්වමින් වැවිලි කර්මාන්ත හා කර්මාන්ත අමාත්‍යවරයා සදහන් කලේ මේ වනවිටත් අපනයන ආර්ථිකය ප්‍රවර්ධනය කිරීම ඉලක්ක කරගනිමින් ආයතන ගණනාවකම අගය එකතුකල නිෂ්පාදන වැඩපිළිවෙළවල් ගණනාවක් ක්‍රියාත්මක වන බවත් කන්කසන්තුරේ සිමෙන්ති කම්හල , පරන්තන් රසායනික කම්හල , ලුණු සමාගම , පිගන් සංස්ථාව ආදි ආයතන ගනනාවක් නව ආයෝජකයන් සහිතව ආරම්භ කිරීමේ වැඩ කටයුතුත් ක්‍රියාත්මක කරමින් සිටින බවයි. එමෙන්ම ඉදිරියේදී රජයේ ඉඩම් ආයෝජනයන් සදහා නිදහස් කිරීමේදී එක ආයතනයක් හරහා පමණක් නිදහස් කිරීමට ඉඩම් බැංකුවක් ( Land bank ) නිර්මාණය කිරීමට කටයුතු කරමින් සිටින බවත් අමාත්‍යවරයා තවදුරටත් සදහන් කලේය. එහිදී ආයෝජන ප්‍රවර්ධන අමාත්‍යවරයා අදහස් දක්වමින් ප්‍රකාශ කලේ මෙරට තුළ ආයෝජනය කිරීමට පැමිණෙන්නන් හට ඊට අවශ්‍ය නීතිමය හා ප්‍රායෝගික තත්වයන් සියල්ල අමාත්‍යංශය මැදිහත්වීමෙන් නිරාකරණය කොට දෙමින් උපරිම නිදහස් වටපිටාවක් සලසා දෙන බවයි. ඒ වෙනුවෙන් IFC (ඉන්වෙස්ට්මන් ෆැසිලිටේට්ස් සෙන්ටර් ) සහ IFCC (ඉන්වෙස්ට්මන් ෆැසිලිටේට්ස් සෙන්ටර් කමිටි ) ඇති කොට ක්‍රියාත්මක කරමින් සිටින බවයි. එමෙන්ම ලංකා කාර්මික සංවර්ධන මණ්ඩලය ( IDB ) , ආයෝජන ප්‍රවර්ධන මණ්ඩලය (BOI) සහ අපනයන සංවර්ධන මණ්ඩලය ( EDB ) ක්‍රියාත්මක කරන ඒකාබද්ධ යාන්ත්‍රණයක් තුළින් ආයෝජන අවස්ථා වැඩිකරගැනීමට කටයුතු කලයුතු බවත් සදහන් කලේය. මෙම සාකච්ඡාව තුලදී වැඩි ආයෝජන ඉඩ ප්‍රස්ථාවන් ඇති ඛනිජ වැලි ආදි කර්මාන්තයන් පිළිබඳව පුළුල්ව සාකච්ඡාවට ලක්කෙරුණු අතර විධිමත් ඉදිරි සැලසුමක් ඔස්සේ එහි ආර්ථික ප්‍රතිලාභයන් රටට අත්කර දීමේ ක්‍රමවේදයක් නිර්මාණය කිරීමටද සාකච්ඡා කෙරිණි. මෙම අවස්ථාවට කර්මාන්ත අමාත්‍යංශයේ ලේකම් තිලකා ජයසුන්දර , කර්මාන්ත අමාත්‍යංශයේ සහ ආයෝජන ප්‍රවර්ධන අමාත්‍යංශයේ අතිරේක ලේකම්වරු , ලංකා කාර්මික සංවර්ධන මණ්ඩලය, භූ විද්‍යා සමීක්ෂණ හා පතල් කැණීම් කාර්යංශය, අපනයන සංවර්ධන මණ්ඩලය , ආයෝජන ප්‍රවර්ධන මණ්ඩලය , ලංකා ඛනිජ වැලි සමාගම ආදි රේඛීය ආයතන ගණනාවක සභාපතිවරුන් , අධ්‍යක්ෂ ජනරාල් වරු ඇතුළු නිළධාරින් රැසක්ද එක්ව සිටියහ.
ඉදිකිරීම් ක්ෂේත්‍රයේ ඉදිරියට යාමට පුද්ගලික අංශයට හොඳ අවස්ථාවක් ලැබී තිබෙනවා. – කර්මාන්ත අමාත්‍ය වෛද්‍ය රමේෂ් පතිරණ
වසර සියක් පැරණි “වරාගොඩ සෙරමික් හා රතු මැටි මධ්‍යස්ථානය” නැවතත් ජනතා අයිතියට..
රජයන් මාරුවන විට වෙනස් නොවන කර්මාන්ත ප්‍රතිපත්තියක් අප නිර්මාණය කරගත යුතුයි – කර්මාන්ත ඇමති කියයි
” මෝටර් රථ කර්මාන්තය ඇතුළු රටේ සියළු කර්මාන්ත ක්ෂේත්‍රයන් වෙනුවෙන් නිර්මාණය කරගන්නා කර්මාන්ත ප්‍රතිපත්තිය රජයන් වෙනස් වනවිට වෙනස් නොවිය යුතුයි. ඒ වෙනුවෙන් අප මේ මොහොතේ ඒ ඒ ක්ෂේත්‍රයන්හි හැමෝගෙම දායකත්වය ලබාගනිමින් , රටේ සියළු දේශපාලන පක්ෂත් දැනුවත් කරමින් නව ලොවට ගැලපෙන තිරසාර වූ ජාතික කර්මාන්ත ප්‍රතිපත්තියක් නිර්මාණය කරගත යුතුයි. එහි කටයුතු මේ වනවිටත් ආරම්භ කොට ඇති අතර ඉක්මණින්ම අප ජනගත කිරීම සිදුකරනවා ” වැවිලි කර්මාන්ත හා කර්මාන්ත අමාත්‍ය වෛද්‍ය රමේෂ් පතිරණ මහතා මේ බව සදහන් කළේ අද (සැප්තැම්බර් 27 ) උදෑසන කර්මාන්ත අමාත්‍යංශ පරිශ්‍රයේදී පැවති මෝටර් රථ කර්මාන්ත කරුවන්ගේ විශේෂ හමුවට එක්වෙමිනි. මෙහිදී මෝටර් රථ එකලස් කිරීමේ කර්මාන්ත කරුවන් මුහුණ දෙන අභියෝග , අවශ්‍ය අමුද්‍රව්‍ය ආනයනයේදී මතුවන අභියෝග , මෝටර් රථ උපාංග මෙරට තුළ නිෂ්පාදනයේදී මතුවන අභියෝග මෙන්ම මෝටර් රථ හා මෝටර් රථ උපාංග වානිජ මට්ටමෙන් අලෙවියේදී මතුවන අභියෝග පිළිබඳව පුළුල් ලෙස සාකච්ඡාවට බදුන් කෙරිණි. මෙම අවස්ථාවට කර්මාන්ත අමාත්‍යංශයේ ලේකම් තිලකා ජයසුන්දර , අතිරේක ලේකම්වරු සහ ආයතන සභාපතිවරුන් ප්‍රධාන වශයෙන් එක්වූ අතර මුදල් අමාත්‍යංශය, ප්‍රවාහන අමාත්‍යංශය , මෝටර් රථ ප්‍රවාහන කොමසාරිස් දෙපාර්තමේන්තුව, රේගු දෙපාර්තමේන්තුව ආදි අමාත්‍යංශ හා ආයතන රැසක නිළධාරින්ද සහභාගිවූහ. එම සහභාගිත්වය නිසා මෝටර් රථ කර්මාන්ත කරුවන් වෙතින් මතුවූ ගැටළු හා අභියෝග සාධනීය ලෙස එම අවස්ථාවෙම පුළුල් සාකච්ඡාවට ලක්කිරීමට හැකිවිය. එහිදී වාහන එකලස් කිරීමේ කර්මාන්තය තුළ දේශීය නිෂ්පාදන ලෙසින් මෝටර් රථ උපාංග යොදා ගනිමින් අගය එකතුකිරීම් ප්‍රතිශතයක් ලෙස ඉහල දමන නිෂ්පාදනයන් වෙනුවෙන් බදු සහන වැඩිකිරීම පිළිබඳවත්, විදුලි වාහන නිෂ්පාදනය පිළිබඳවත්, මෙරටදි එකලස් හෝ නිෂ්පාදනය කෙරෙන මෝටර් රථ හෝ මෝටර් රථ උපාංග අපනයන ආර්ථික ප්‍රවාහයට එක් කරන ආකාරය පිළිබඳවත්, තවදුරටත් සාකච්ඡා කෙරිණි. මෙම අවස්ථාවට මෝටර් රථ කර්මාන්ත කරුවන් වෙනුවෙන් විවිධ මෝටර් රථ හා මෝටර් රථ උපාංග නිෂ්පාදන සමාගම් , ආයතන මෙන්ම විවිධ මෝටර් රථ සංගම්වල සම්භාවනීයන් විශාල පිරිසක් එක්ව සිටියහ.
මැණික් කර්මාන්තයට අවශ්‍ය ඉන්ධන බෙදාහැරීමට ක්‍රමවත් වැඩපිළිවෙලක් ක්‍රියාවට නංවයි.
මාර්ගගත ක්‍රමවේදය ( Online ) ඔස්සේ මැණික් හා ස්වර්ණාභරණ අපනයනය කිරීමේදී සහ කර්මාන්ත වලට අවශ්‍ය අමුද්‍රව්‍ය ආනයනය කිරීමේදී මතුවී ඇති ගැටළු සම්බන්ධයෙන් නිසි ක්‍රමවේදයක් සැකසීම
FUEL ALLOCATION FOR INDUSTRIALISTS
GOVERNMENT NOTIFICATION – Importing under Open Accounts Payment Terms or Consignment Accounts Terms
“GOVERNMENT NOTIFICATION – Importing under Open Accounts Payment Terms or Consignment Accounts Terms This Ministry has the mandate to recommend the local manufacturers on import goods as raw materials which are not locally available but required for manufacturing of their products with minimum local value addition of 30% under open account payment terms or consignment account terms as stipulated by the Extraordinary Gazette No 2285/19 dated 24 June 2022 (Click here to download the Gazette) (Click here to download the Application) The calculation of Local Value Addition (LVA) of an industrial product (Sample format) (Download Excel)
ආනයන ආදේශන කර්මාන්ත සඳහා කර්මාන්තකරුවන් යොමු වීමේ ඉහළ ප්‍රවණතාවයක් ඇතිවී තිබෙනවා- කර්මාන්ත අමාත්‍ය වෛද්‍ය රමේෂ් පතිරණ
Official website of the Ministry and Metals Scrap Portal launched on 2022.06.08
